宋皇臺站「聖山遺粹」 展出400件文物

屯馬線今日開始就全線通車，而當中阿史就期待可以參觀到嘅一個車站就當然係宋皇臺站，事關呢個係第一個設有文物館嘅車站，當中仲展出四百幾件宋元時期嘅出土文物。

宋皇臺站嘅展覽就以「聖山遺粹」為名，據古蹟辦介紹，呢個遺址當年喺發掘過程中其實係發現咗接近七十萬件文物，經過古蹟辦精選同埋修復之後，就有四百件會作為展品展出，當中就有元朝嘅八卦紋青瓷香爐、青釉瓷碎片；五百個「宋元通寶」，甚至仲有20世紀嘅一啲器物。

宋皇臺站精彩嘅除咗係文物之外，仲有水井類嘅古蹟。今次宋皇臺車站喺建造期間就係留咗宋元時代古井同埋引水槽，預計未來喺車站上方原址重置之後仲會換成一個透明底板，等乘客可以喺車站大堂見到古井底部，真係令人相當期待。