繼續同史友們介紹下近排內地考古學界嘅一啲發現同埋進展，喺中國考古學界入面，其實早喺1994年至1997年就已經發現宋國故城遺址，而喺當年發掘嘅過程中考古團隊就發現原來呢個古城遺址實質上係六城疊加而成嘅遺存。到底點解會係咁？呢個疑團存在多年，近排就有望可以解開喇！

河南商丘老南關古城啟動就啟動發掘工作，呢個就係為咗可以搵到埋藏喺黃河泥沙之下，春秋五霸之一宋襄公曾經居住過嘅宋國都城，並且揭示歷史上因為黃河泛濫而形成嘅「新城疊舊城」嘅奇特現象。

據目前所知，商丘宋國故城遺址上就有漢代梁園城、隋唐睢陽城、隋唐宋州城、宋代應天府城、明代歸德城等古城層層疊壓住宋國故城，而喺呢一層層嘅遺存當中仲可能會有商人同埋佢哋祖先嘅遺存，相信係會有好多重大嘅發現，阿史都好期待會有更多消息公佈出嚟！

原圖嚟自網絡