聖經當中嘅故事到底有幾多係真、幾多係假，歷年嚟都有唔少專家學者質疑，之但係近排以色列南部就有一塊三千幾年前嘅銘文出土，當中所刻嘅字甚至仲被認為係吻合歷史，阿史今次就同大家介紹下啦！

實際上喺2019年，研究人員就喺猶大山地Shahariya 森林嘅考古遺址度發現到一個陶罐，當佢哋對呢個陶器進行類型學以及放射性碳測年法分析之後，佢哋就發現呢個陶罐所屬年份正係公元前1100年左右，距今至少有3,100年歷史。唔單止咁，呢件器物嘅年份係同《聖經》士師記描述嘅時間一致，當中嘅銘文仲刻有「Jerubbaal」（耶路‧巴力），亦即係士師基甸另一個名，就更加印證到聖經當中呢段歷史。

士師時期嘅銘文極為罕見，而呢次更加係有咁樣嘅發現，真係相當難得！

原圖嚟自網絡