香港回歸後奧運拎過幾多個牌？

尋晚係全香港人相當振奮、熱血嘅一個晚上，事關我地嘅「劍神」張家朗破咗香港歷史，為香港拎到第一面劍擊項目嘅奧運金牌。相信唔少史友都知道，距離上一次拎奧運金牌已經係回歸之前1996年阿特蘭大奧運嘅時候由「風之后」李麗珊喺女子滑浪風帆中摘金，咁到底喺回歸之後香港又喺奧運當中拎到幾多個獎項呢？

答案就係三個喇！呢三個獎牌都係得嚟不易，全憑運動員驚人嘅天賦同埋努力先可以得嚟，喺回歸以嚟，2000年悉尼奧運港隊其實未能得到獎牌，而去到2004年雅典奧運，港隊就憑住「乒乓孖寶」李靜及高禮澤贏得男子乒乓球雙打銀牌，係香港首面男子奧運獎牌。

而去到2008年北京奧運，港隊其實都未能得到獎牌，反而係去到2012年倫敦奧運，港隊就有「牛下女車神」為香港奪牌，喺場地單車女子競輪賽贏得銅牌；而事隔8年，「劍神」張家朗就為香港贏得劍擊項目嘅奧運金牌，係回歸以嚟嘅香港儲齊一套奧運金、銀、銅獎牌。