每逢嚟到奧運，除咗欣賞各式各樣精彩嘅賽事之外，各國嘅選手好多時候都係廣大傳媒同埋公眾嘅焦點，近排就有一位澳洲羽毛球女球手成為大家熱話！

阿史所講嘅呢位就係康榮雅（Gronya Somerville）喇！佢喺東京奧運羽毛球女雙分組賽就代表澳洲同中國比賽，唔講真係唔知，原來呢位球手擁有華裔血統，甚至同近代中國有莫大關係，事關現年26歲嘅康榮雅竟然係康有為嘅玄孫！

康榮雅出生喺墨爾本，幼年果陣就正式跟隨爸爸喺廣州移民到澳洲，只不過爸爸喺佢三歲嘅時候離世，對於自己嘅身世都係由媽媽度得知。直到佢去中國比賽之後，佢先意識到「康有為後人」嘅身份係咁引起關注。據傳媒報導，康榮雅係康有為大女康同薇嘅後人，如果要追溯兩人關係，最確切嘅說法應該係康有為第五代外孫即「玄外孫女」。

而康榮雅喺了解完自己身世之後，就決定用三年時候學中文，佢仲曾經接受央視節目訪問，表示自己「為自己的中國血統感到自豪，我越了解自己家族，就越看到世代精神的傳承」，認真識諗！

原圖嚟自網絡