日前港隊响女子乒乓球團體賽八強賽,淘汰咗羅馬尼亞擠身四強,雖然尋晚四強賽不敵日本,但都認真厲害!其實香港乒乓球項目一直成績唔錯,以前就有李靜高禮澤,再之前就有陳丹蕾齊寶華呢對乒乓女子組合。

陳丹蕾同齊寶華係上世紀九十年代嘅乒乓球港隊代表,陳丹蕾同齊寶華本身係响內地出生同成長,响八十年代嚟咗香港,之後就加入港隊。响港隊期間打出唔少好成績,好似响1990年亞運會齊寶華同陳丹蕾就得女團乒乓球賽銅牌,响1994年廣島亞運就獲得女團乒乓球賽銀牌,而齊寶華更响個屆亞運獲得女單銅牌。至於陳丹蕾就响1998年曼谷亞運夥拍桑亞嬋,獲得女子雙打銀牌。

由於陳丹蕾同齊寶華呢對組合响當時取得咁好成績,所以就有「乒乓孖寶」美譽。

原圖:電視截圖