以往阿史都同大家介紹唔少梵高嘅作品，而上個月正正就係梵高逝世嘅131週年，喺1890年7月27日，37歲嘅梵高以左輪手槍自殺，及後因傷口感染而與世長辭。呢位傳奇畫家就係咁樣同呢個世界告別，而佢最後一幅畫作《樹根》係唔少人心目中嘅經典。

其實對於梵高最後作品歷年嚟都有唔少爭議，但近年就有更多證據指向《樹根》，梵高博物館科學主任Wouter van der Veen甚至仲喺2020年嘅時候翻看舊明信片果陣，搵到一張1900年初嘅明信片同《樹根》相當相似，甚至呢個地方只係距離梵高客棧150米，時隔百年仍然保存得相當完整。

有唔少人專程去到呢幅畫嘅繪畫地一睹呢個「最後畫作」嘅地方。之不過，大家將來可能再冇呢個機會喇！近日專家就住點樣保護同埋展示呢個地方，產生咗唔少爭議，而負責管理呢個地方嘅組織就受到當局阻撓，拒絕授予他們安裝保護性金屬圍欄嘅許可，而呢個地方就被逼暫時圍上圍板，短期之內大家都唔會見到呢片樹根喇！

原圖嚟自網絡