提起近排國內人氣急升嘅男星，曾經出演過《山河令》嘅男星張哲瀚絕對係近來新生代嘅男神。之不過，佢就被網民起底發現過往曾經多次喺日本靖國神社影相，呢個舉動令到佢被質疑親日辱華，甚至仲日內三十幾個代言嘅品牌都同佢割席！

事源就係有網友喺佢過往嘅微博入面，除咗搵到佢喺靖國神社影嘅相之外，仲見到佢有發佈過旭日旗嘅相，亦都曾經喺乃木神社參加婚禮並同反華嘅印尼前總統夫人黛薇合照等等，以上嘅舉動都被廣大網友認為佢係親日反華。雖然事後佢好快就喺微博上發文為「曾經無知的自己而羞愧」，甚至仲強調「我不親日，我是中國人！我從未在任何場合發表過有損祖國的言論！我深深愛我的祖國！」

但佢嘅呢一套說話唔單止網友唔收貨，就連「人民日報」都發文怒斥張哲瀚，「身為公眾人物對歷史常識如此匱乏，對民族苦難渾然不覺，太不應該，若明知故犯，就得付出沉重代價」。

原圖嚟自網絡