第14屆全國運動會下個月15至27日响陝西舉行，日前响荃灣體育館舉辦香港特區代表團授旗儀式。乘住港隊响東京奧運取得好成績，今屆全運會就備受關注，唔少人都希望港隊取得好成績。

全國運動會係中國最具規模嘅綜合運動會，以省、市、自治區、特區行政區同埋中國人民解放軍等為競賽單位，即係全國運動精英都會同場獻技，可觀性一啲都唔低。咁香港又係幾時開始派隊出賽呢？答案就係1997年喇！1997年回歸後，香港首次以特區身份參與响上海舉行嘅全運會。比較有趣嘅係，由於全運會部分項目同亞運會及奧運會唔同，因此有啲港隊運動員係參與表演賽。至於响個屆全運會，「香港單車車神」黃金寶就响男子個人180公里公路賽贏得金牌，亦成為個屆全運會「十佳」運動員。

原圖：中新網