經過幾個月考古團隊努力發掘之下，三星堆最後兩個「祭祀坑」嘅神秒面紗亦都陸續打開，7號、8號坑亦都正式露出實物層。到底當中有咩睇？阿史今次就同大家介紹下啦！

據專家介紹，其實早喺幾個月之前考古團隊就已經認為7號同埋8號坑係面積較大而且同屬一組嘅祭祀坑，而經過幾個月發掘之，果然呢兩個坑當中就有唔少象牙、玉器、金器以及前所未見嘅青銅器，當中嘅歷史價值同埋資訊亦都超級咗人嘅想像。

先由象牙開始講起，呢兩個坑其中一個特點就係真係有好多象牙，單單係7號坑表面就已經有180隻象牙，而8號坑目前就搵到202隻，但呢啲數字仲未計埋底下埋藏嘅象牙。其實唔單止象牙，呢兩個坑當中亦都有各式各樣嘅玉器，就好似玉璋、玉鑿、玉斧、玉瑗等等，每一層基本上都有玉器。

而講最誇張，就要介紹8號坑嘅發現。8號坑係目前唯一發現到有厚實灰燼層嘅一個坑，喺呢啲灰燼當中考古團隊就愛出3000幾塊青銅片、280幾件玉器以及360件金箔器，而且仲有一件極為豐富同埋複雜嘅大型青銅神壇以及神獸即將出土。到底三星堆嘅神秘面紗會係點樣？阿史相信好戲在後頭！

原圖嚟自網絡