杭州亞運火炬設計理念來源良渚文化

繼東京奧運之後，陝西嘅全運會亦都喺今個月開鑼，提起呢類大型嘅運動會，阿史就相當留意佢嘅火炬，而今年全運會嘅火炬，估唔到竟然同考古學文化有關！阿史今次就同大家介紹下啦！

喺杭州嘅奧體中心網球中心，早幾日就舉行咗杭州亞運會倒計時一周年活動，而當時呢枝名為「薪火」嘅火炬同埋以「雲舒霞卷」作為設計理念嘅亞運會禮儀服裝亦都同場亮相。就咁聽「薪火」呢個名，可能唔少史友都覺得幾有意思，之但係佢背後嘅設計理念其實係更加特別。

呢枝亞運會火炬「薪火」融合傳統文化同埋當代藝術，據呢枝火炬嘅設計師介紹，佢嘅設計理念係來自良渚文化遺址，作為人類早期文化遺址之一，呢個地方最大特色就係出土嘅玉器，所以喺設計上就應用「丹桂金」、「虹韻紫」呢兩種玉琮色彩。整體上火炬就採用玉琮形態「方形桶身」，上方下圓，頂部出火口仲係以甲骨文字形「琮」字設計，有文化之餘仲好有顏值，真係估佢唔到！