近日全國上下基本上都討論緊孟晚舟9月25日獲釋返國呢件振奮人心嘅事，而歷史總係咁巧合，其實喺11年前嘅9月25日，又係有一宗中國國民被無理扣押，最後喺成功保護民族尊嚴嘅情況下獲釋嘅案件，呢件就係「閩晉漁5179號」事件。
喺2010年9月7日，日本海上保安廳巡邏船喺釣魚島附近海域同中國「閩晉漁5179號」發生碰撞，其後日方巡邏船對漁船實施攔截，船長詹其雄被捕。雖然其後中國外交部副部長約見日本駐華大使，要求日方停止非法攔截行動，但日方仍然以嫌疑妨礙公務逮捕船長詹其雄。
面對日方荒唐、非法嘅扣押行為，中方連日抗議，最終日方釋放晒非法扣押嘅14名中國船員。件事唔單止咁，原來喺中國船長詹其雄被日本扣押期間，遭到日方嘅審問同埋威脅，之不過當時詹其雄堅拒認罪，佢表示「如我認罪，將會成為中華民族的千古罪人。日方抓扣我是非法的。釣魚島是中國領土，我堅決支持政府的立場。」
最後經過中國政府多番努力，2010年9月25日淩晨，詹其雄被釋放後搭乘中國政府包機安全返抵福州。
原圖嚟自網絡