早排阿史就同大家介紹到喺我國浙江義烏一處考古遺址出土咗一件杯具，當中就有9,000年前啤酒嘅殘留物，當時就引起唔少網民熱切留意。而近排喺河南仰韶村遺址亦都有一個關於5000年酒類嘅考古發現，阿史今次就同大家介紹下啦！

據考古團隊公佈嘅第四次仰韶村遺址考古發掘重要成果報告，經過同美國史丹福大學等研究機構合作之下，考古人員喺仰紹文化中期、晚期發現嘅小口尖底瓶當中就搵到唔少穀物發酵酒殘留，經過詳細檢測之後就慢慢還原到5000幾年前仰韶村先民對酒嘅研究。

喺呢次研究當中，考古團隊就發現仰韶村先民使用嘅釀酒工藝主要有兩種，一種就係發芽穀物、另一種就曲發酵釀酒工藝，呢兩種工藝都好可能要用到黍、粟、水稻等為原料製作酒，憑住呢次發現甚至仲可以瞭解到當時仰紹文化中心區域係糧食酒釀造以及消費地。

5000幾年前先民嘅生活可能同我哋想像中好唔一樣，事關佢哋唔單止有酒，考古人員甚至仲喺仰韶村遺址人骨土樣樣品中檢測到絲蛋白殘留物，呢個發現亦都講明墓葬中很可能曾存在過絲綢實物，所以黃河中游地區先民好可能當時已經養蠶繅絲。到底仰韶村遺址文化內涵、聚落佈局同埋演化情況係點樣？呢幅巨集偉嘅拼圖就需要考古發掘慢慢還原喇！

原圖嚟自網絡