早喺今年7月，曾經喺七百幾年前令意大利旅行家馬可波羅驚嘆嘅世界第一大港泉州就宣佈申選成功，成為我國第56個世界遺產。咁到底呢個「宋元中國的世界海洋商貿中心」有住一段點樣嘅歷史呢？阿史今次就同大家介紹下啦！

喺馬可波羅嘅遊記入面，當中就記錄到「刺桐」係當時世上最大嘅港口，大批商人都雲集喺度，貨物亦都堆積如山。位於福建省嘅泉州市，又被稱為「刺桐港」，由於水陸交通極為方便，所以現時泉州仍然係重要嘅對外交通貿易港口。但唔講唔知，其實泉州嘅歷史已經有成一千五百幾年，唔單止係中國古代一個重要對外貿易港，甚至喺宋元年間成為過「世界最大港口之一」。

喺八王之亂以及永嘉之亂後，中原地區嘅人口同埋資源都逐步走各南方，令到南方社會經濟、文化發展日益繁榮，泉州就更加得益。而喺宋元年間，泉州絲綢、瓷器與銅鐵製品工藝先進，質量上乘，享譽海外，當時朝廷為咗鼓勵海外交通貿易，甚至仲設立泉州市舶司「掌蕃貨、海舶、征榷貿易之事」，甚至仲有為為中外商人舉行「祈風」或「祭海」活動。而當時，泉州就出口絲綢、瓷器，入口香料、藥物，並且同緊接近百個國家地區有貿易往來，真係唔講得笑！

咁成為咗世遺嘅泉州到底今時今日有咩保留到落嚟？例如就有市舶司遺址、德化窯址等陶瓷和冶鐵生產基地、老君岩造像、清淨寺、伊斯蘭教聖墓等代表性嘅古蹟遺址22處，所以如果大家去泉州，真係可以有好多地方玩！

原圖嚟自網絡