澠池仰韶村考古遺址公園開幕 逾4,000件文物吸引旅客

今年係中國仰紹文化發現100周年嘅日子，喺呢個咁特別嘅年份唔單止係「中國百年百大考古發現」公佈嘅日子，更加係澠池仰韶村考古遺址公園嘅開園日。

仰韶文化距今約7000年至5000年，係中國新石器時代一個重要嘅文化發展階段，亦都係我國延續時間最長嘅考古學文化，喺呢個地方正正就係揭開中國考古學嘅序幕。

呢個公園位於河南省三門峽市澠池縣，仰韶村遺址正正就係仰紹文化發現地、命名地，更加係1961年國務院公佈嘅第一批全國重點文物保護單位。經過多年發掘、保護同埋復修之後，仰韶村國家考古遺址公園最終就規劃出2800畝土地，向民眾展示集遺址保護、科學研究、教育科普、休閒觀光為一體嘅國家級考古遺址公園，形成「一中心兩環三廣場四點五園」。