阿史之前講完黃河入海口，今次就講下黃河源頭喇！相信唔少史友都會聽過，黃河源頭就係青海省內嘅星宿海，講到星宿海亦自然諗起《天龍八部》星宿老怪丁春秋。當然！歷史上就無星宿派。
星宿海，位於青海省省果洛藏族自治州瑪多縣，古人以之為黃河源頭。之所以有呢個稱謂係因為當地有無數湖沼，多到好似天上繁星咁，所以就有星宿海之名。但其實，早响元代已經有勘察指星宿海以西地區先係黃河源頭。到咗清代，就認定星宿河上源嘅卡日曲為黃河源頭。雖然後嚟有不同講法指當地其他河流包括扎曲、約古宗列曲視為黃河源頭。其實卡日曲、扎曲同約古宗列曲都匯合成星宿海最初水源嘅河道瑪曲，但以水量計卡日曲先係星宿海主要水源，亦係黃河正源，呢一點係得到咗青海省政府肯定。
原圖嚟自網絡