喺職場上只要有新嘅上司推出新嘅政策、新嘅指示，甚至改變咗原有公司嘅行事方式嘅時候，經常都會以「新官上任三把火」嚟形容，但到底呢個講法係點樣嚟呢？今次阿史就同大家介紹下啦！

關於呢句說話其實係有幾個唔同起源，今次阿史就同大家介紹下同諸葛亮有關嘅講法啦！喺《三國演義》當中，諸葛亮自從成為劉備嘅軍師之後，喺短時間之內真係放咗三把火！第一把火就係火燒博望坡，令到當時夏侯惇統領十萬曹兵所剩無幾；而第二把火就係用喺新野，當時呢把火就令到曹仁、曹洪十萬人馬，幾乎全部覆亡；至於第三把火，正係大家都一定聽過嘅火燒赤壁，呢把火直接令到百萬曹兵慘敗。

由於《三國演義》嘅盛行，令到後世將呢三把火稱之為「諸葛亮上任三把火」，又由於「諸葛亮」係新官，後世又有另一個講法叫做「新官上任三把火」喇！

原圖嚟自網絡