關於以前嘅革命史，可能唔少史友都係喺書本、影視作品當中得知，但關於呢班革命志士第一身嘅諗法同埋佢哋嘅遺物，唔知史友們又有冇睇過呢？近排喺一新美術館就有一個新展，可以畀大家一個機會睇到呢班革命志士嘅手澤！

阿史所講嘅呢個展覽之唔係「共載風華：二十世紀革命志士手澤」，呢個展覽就會展出91組由二十世紀中華革命志士創作、別具歷史意義嘅作品，由書法、繪畫、信札、手稿及印章等都有，真係相當豐富。而且，呢個展覽仲係按照中國所經歷嘅劃時代轉變分類，由帝制走向共和、軍閥割據到國共內爭，乃至新中國成立後，從百廢待舉的困局，到國富民強嘅內容都一應俱全。

咁講咁多，到底展覽又有咩重點值得大家睇呢？阿史就精選咗以下幾件展品畀大家，就好似有陶行知請求友人施以援手嘅「致張一渠手札」、抗戰時期留落嚟戰地壁報「大家看報」、抗戰勝利時宋慶齡致友人梁夫人嘅英文打字信函以及「江山如此多嬌」巨型壽山石印章等等，有興趣嘅史友不妨留意一下！

原圖嚟自網絡