埃及金字塔嘅故事阿史都講過唔少，甚至可能都有唔少史友曾經去過現場感受過呢樣宏偉嘅建築。之不過，唔知史友們又有冇幻想過，到底呢樣4,500年前嘅文物同當代藝術結合起嚟，又會係點樣呢？
位於開羅郊區嘅埃及金字塔被稱為世界七大奇蹟之一，近排喺呢個令人驚嘆嘅歷史遺址上，就舉行住一場盛大嘅裝置藝術展覽「Forever is Now」。咁到底喺一個象徵古代文物遺產嘅地方，可以點樣展現到當代藝術呢？今次嘅展覽就係由十位國際藝術家包括：Alexander Ponomarev、Gisela Colón、João Trevisan、JR、Lorenzo Quinn等喺金字塔周圍展示佢哋嘅作品，就好似有以錯位藝術方式將畫作同金字塔結合；又有以九個月時間焊接成嘅巨手，由遠處模擬金字塔嘅外型；甚至仲有藝術家以極簡主義美學自己整個巨大石棺出嚟，認真有心思。
金字塔擁有悠久而輝煌嘅歷史，雖然大家短時間都未必去到現場睇，但古代同當代藝術結合嘅相片都幾有睇頭架！
原圖嚟自網絡