提起山西嘅名勝古蹟,位於山西晉城千年古寺白馬禪寺係中外遊客都會慕名前來嘅地方,之不過近日呢座古寺就面臨一個重大危機。
晉城白馬禪寺已有過千年歷史,不過原寺喺抗戰時期被日軍炮火毀壞,1993年開始重建,耗時十幾年先完成。呢座極具歷史價值嘅寺入面有住唔少珍貴文物,好可惜嘅係,由於山西早前連場嘅暴雨,令到白馬禪寺十幾個殿堂屋頂、內部裝修、地面都受損,受災面積達一萬一千五百平方米。
由網上嘅圖片可以見到,白馬寺念佛堂屋頂變形漏雨、大雄寶殿阿彌陀佛像手臂損壞,玻璃護罩被落石砸損、觀音像亦都受損,寺內嘅師父年老體弱、寺院嘅積蓄亦都唔足以完成復建工作,所以白馬寺嘅仁弘法師亦都公開呼籲善信捐助,真係希望呢座寺院可以盡快得到復修。
原圖嚟自網絡
評論:
共0 條評論