位於埃及，有「死者之城」之稱嘅薩卡拉（Saqqara），係古埃及文明嘅核心，有住最古老金字塔——階梯金字塔，而呢個地方亦都有一個古代嘅大型墓地，唔少貴族甚至國王都係喺呢度安葬。早喺2009年，埃及考古團隊就已經發現呢個地方有唔少未被破壞嘅墓穴，當中唔少更加係有2500年歷史，而近日呢個地方又有新嘅考古發現喇！

埃及旅遊及文物部近排就公布消息，當中就提到開羅大學考古團隊喺薩卡拉當地就搵到一個古埃及法老拉美西斯二世統治時期高級官員嘅墓地，甚至根據墓地嘅遺物仲可以知道呢個官員係負責管理古埃及國庫嘅首席財政官。拉美西斯二世係第十九王朝第三位法老，而呢個王朝亦都係古埃及歷史第二長嘅，咁到底喺呢位著名法老統治之下，古埃及最強盛嘅年代，呢位首席財政官嘅陵墓仲有咩其他發現呢？咁就真係要等考古團隊進一步公布喇！

原圖嚟自網絡