喺抗美援朝嘅戰役當中，阿史都同大家介紹咗唔少出自呢場戰爭嘅英雄，而其中一位被稱為「上甘嶺戰場最強單兵」嘅胡修道，阿史今次就同大家介紹下啦！

胡修道出生喺1931年9月四川金堂縣一戶貧苦農民家庭，喺戰爭爆發初期佢曾經被美國人捉去起機場，後來喺1951年佢就加入中國人民志願軍赴韓作戰，當時佢係第十二軍三十一師九十一團五連戰士，佢喺抗美援朝戰爭當中一共就參與咗五次戰役，除咗有秋季戰術性反擊、朝鮮東海岸反登陸防禦作戰等，仲有最著名嘅上甘嶺戰役，亦都係呢場戰役令佢成為全國皆知嘅英雄。

喺1952年11月嘅上甘嶺戰役中，佢同班長李鋒以及另一名新兵就收到命令要負責防守597.9高地三號陣地，而當時以美軍為首嘅聯合國軍就先後調集咗六萬人，三百門大炮以及百幾架坦克。而我國嘅志願軍就只係喺上甘嶺左側597.9高地構築起十二個陣地。

11月5日，聯合國軍對陣地發起多次猛攻，胡修道所在嘅5連亦都投入戰鬥，喺人手巨大差距之下，胡修道盡全力將爆破筒、手榴彈瘋狂投向敵人；又以「包餃子戰法」迫使敵人往中間靠攏，再集中火力攻擊。幾輪攻勢之下，敵人都未能攻下呢個陣地，而胡修道單兵一日殲敵280餘人、打退敵人進攻41次，後來仲被封為「一級英雄」，真係犀利！

原圖嚟自網絡