早排阿史就同史友們講到以色列嘅考古學家就發現到一座目前最大嘅拜占座帝國時代葡萄酒廠，而相關嘅考古工作一直都進行緊，近排就有一樣好特別嘅發現可以同史友們講一講！

近排考古團隊就喺呢個遺址搵到一隻金戒指，而呢隻金戒指上面係鑲有紫水晶並且由單字「amethystos」所命名。如果以為呢隻戒指純粹係一隻裝飾品，咁大家就未免太年輕了！事關紫水晶「amethystos」嘅命名係源自古希臘文「amethystos」，喺英文嘅翻譯就即係「not drunk」（不醉）咁解，所以考古學家推斷，呢隻「紫金戒」當時嘅作用可能係用嚟「防止宿醉」，真係估佢唔到！

考古團隊就相信，呢隻戒指嘅擁有者應該係個有錢人，雖然佢想避免宿醉，但好諷刺地呢隻戒指就留咗喺釀酒廠！

原圖嚟自網絡