曾經係西周政治中心、早年被發現嘅鎬京遺址相信唔少史友都聽過，而經過兩年嘅考古發掘之後，考古人員就喺呢個地方有唔少重要嘅發現，阿史今次就同大家介紹下啦！
經過陝西省考古研究所歷時兩年嘅發掘，就喺曾經係西周都城嘅遺址內搵到唔少西周嘅大型建築基址。呢個位於陝西省西安市西咸新區嘅遺址，距離現今西安市主城區約20公里，現存總面積約9.2平方公里。喺2018年嘅時候，陝西省考古研究院鎬京考古隊就先係搵到一座 總面積達1800多平方米西周大型夯土建築基址，並且進行發掘搞清潔建築的規模、形制、結構、性質、使用同埋廢棄年代等等。
而當考古團隊繼續發掘，就喺呢個遺址搵到長達3米嘅陶排水管道，係目前發現保存最好嘅排水管道。而且，建築基址南側仲有一條西周道路留有車轍遺跡，為研究都城內道路修建情況、車輛使用等提供重要實物資料。同場仲有埋葬咗好多動物肢骨嘅祭祀坑被發現，可能國家級嘅宗廟，呢個遺址真係唔簡單啊！
原圖嚟自網絡