位於河南省洛陽市南郊12公里嘅龍門石窟一直都被稱為中國著名「三大石刻藝術寶庫」之一，而呢個寶庫有住唔少珍貴嘅窟龕、造像、碑刻，近日當中著名嘅盧舍那大佛就時隔五十年再次進行大修。
據內地媒體報道，龍門石窟奉先寺就開展咗大型滲漏水治理、危岩體加固保護工程，當中就對盧舍那大佛所在嘅位置展開工程，係自上世紀七十年代以嚟嘅保護修復工程之後，第一次進行嘅大型保護工程。盧舍那大佛係摩崖型群雕、奉先寺嘅一部份，作為成個龍門石窟規模最大、藝術最為精湛嘅群雕之一，呢個位置長年受到滲漏水、岩體開裂、微生物等因素侵蝕，文物其實亦都不斷受損。
所以，為咗可以對相關病害開展治理，有利於文物長久保存，當局喺唔影響遊客參觀嘅情況下，就展開咗呢次半開放方式工程，希望可以好好保存度呢個重要嘅遺產啦！
原圖嚟自網絡