作為文明古國之一嘅埃及，可以出土木乃伊似乎都唔係咩新鮮事，但如果阿史同大家講，呢啲木乃伊係有金舌頭，唔知大家又會唔會覺得新奇呢？
近日埃及旅遊及文物部就表示，同巴塞羅拿大學考古團隊合作喺明亞省俄克喜林庫斯進行嘅發古發掘當中，就搵到三名分別古埃及木乃伊，分別係一男一女一小孩。本來呢件都唔係咩出奇嘅事，但原來木乃伊嘅骸骨全部都帶有金舌頭！
呢幾副骸骨都係喺相連嘅墓室當中搵到，其中一個甚至仲曾經被盜墓者洗劫，而另一墓室就放有4 個用來盛放死者器官嘅罐、包括聖甲蟲、綠色珠子等護身符。呢次係古埃及第二次係墓穴當中搵到類似嘅文物，目前考古學家就推斷呢啲金舌頭嘅出現係希望可以畀死者往死果陣同冥神奧西里斯 (Osiris)進行溝通，真係估佢唔到！
原圖嚟自網絡