日前就係南京大屠殺死難者國家公祭日，喺呢個成個中華民族都沉重哀悼嘅日子入面，我哋除咗需要勿忘國恥之外，同時都需要銘記我哋先輩所經歷過嘅事。
尋日阿史就同大家講咗有唔少歷史文件、信件被重新發現，為呢場反人類嘅罪添上鐵證之外，近排其實中國抗戰史學者、江蘇省行政管理科學研究所副所長丁進等人都喺南京有啲新發現。喺南京秦淮舊河東岸一餉樹林當中，丁進就搵到長寬均為2.5米嘅方形構築物，形制上嚟講基本係同江寧街道烏龜山碉堡基本相同，再加上兩座碉堡周身布滿彈痕，所以可以判斷係南京保衛戰中用到嘅碉堡。
聽落都知呢兩座建學物係好有歷史價值，但係其實中國戰史檔案關於方山戰鬥記載不足五十字，呢次發現正正可以推斷到日軍進攻方向同埋路線，係相當重要嘅證據可以提供方山戰鬥嘅若干細節！
原圖嚟自網絡