又嚟到一年一度團圓嘅日子「冬至」，傳統上呢一日一家人都會聚首一堂食團圓飯，係華人相當重視嘅一個日子，甚至仲有「冬大過年」呢個講法。咁到底「冬至」點解會比「過年」更加重要呢？
其實喺禮俗上冬至同埋過新年之間唔係有太大分別，但「冬至」就係二十四節氣當中最早制定出嚟嘅節氣，而且先民早喺殷周時期就已經有慶視冬至，商朝、周朝、秦朝甚至仲將「冬至」呢一日設為「歲首」。去到漢代，每年「冬至」都會有慶賀儀式，朝廷、民間甚至仲會休假、歇市幾日，所以熱鬧嘅程度比起過年就真係有過之而冇不及。而去到唐宋年間，冬至甚至仲係「京師最重此節」。
時至今日，中國各地仍然相當重視呢個節日，過冬至仍然會敬神明、拜祖先、飼耗、食湯圓，史友們今晚又會點樣慶祝呢？
原圖嚟自網絡