喺商周時期，喺越地西部存在住一個名為「姑蔑」嘅族群，喺唔少典籍就好似《逸周書·王會解》、《國語》、《吳越春秋》當中都有記載，但到底呢個族群嘅文化又係點樣呢？近排嘅一次考古發現就打破唔少學者嘅認知！
近排國內就公布咗2021年度國內十大考古新聞，當中浙江發現疑似西周姑蔑國王陵就入選其中之一。呢個遺址就位於浙西衢州市衢江區，規格上嚟講就已經係同時期墓葬之最。墓葬群當中一共有10座墓，當中6座就已經進行咗正式發掘，除咗出土咗大量青銅兵器、玉器、原始瓷等珍貴文物，仲有一樣考古學家意想不到嘅文物出現咗！
呢件文物就係青銅車馬器喇！要知道喺呢件文物被發現之前，唔少人都一直認為越地出行嘅交通工具係船，而青銅車馬器嘅發現係具有顛覆性，同時亦都反映咗當時中原禮製傳統已經傳到當地。呢個疑似西周姑蔑國王陵嘅發現，就正正為歷史文獻當中嘅「姑蔑」提供咗重要嘅實證。
原圖嚟自網絡