阿史以前曾經去過北京幾次，頤和園十七孔橋、故宮乾清宮都參觀過幾次，之不過近排內地網絡就流傳呢兩個地方都有「冬至限定」嘅奇觀，去過都未必見過！今次就同大家介紹下啦！

先介紹其中一個奇觀，就係位於故宮乾清宮入面嘅「正大光明」匾額。關於呢個匾，唔少史友們都應該聽講過呢度曾經係雍正帝存放立儲密折嘅地方，但真正嘅「奇觀」唔單止係咁，而喺每當喺冬至前後幾日，每逢到咗中午十二點，「正大光明」匾額都會有五條金龍出現！其實就係因為光線變化，而令到匾額之下五條金龍依家發光，全年亦都只有冬至日前後太陽照射角度較低嘅時候，先至會有呢個奇觀出現！

至於另一個奇觀，就係喺頤和園昆明湖十七孔橋，喺下午西斜嘅日光下，經過湖水反射，就會令到十七孔橋底出現「金光穿洞」嘅奇觀，每年都吸引到唔少遊客慕名嚟睇！

原圖嚟自網絡