繼續同史友們介紹我國嘅考古發現，近排山西省考古研究所就公布咗一個新發現，就係當地考古人員喺霍州市西南7公里處汾河東岸山崖上，搵到一個大型嘅造像及窟前遺址，今次阿史就帶大家睇一睇！
考古人員喺呢個山崖之上，就搵到兩個部分嘅遺址，分別係窟前遺址以及崖壁造像，兩個部分相信都係始鑿於唐代高武時期。經過初步統計，呢度一共有70幾個龕以及多達300尊嘅造像，而喺崖壁之上，仲有一尊高達6米嘅坐佛、5尊十一面觀音，呢啲都係唐代常見嘅產物。
唔單止咁，考古人員仲喺現場搵到20幾個涉及到紀年、地名、人名嘅鉻記,資訊真係相當豐富。呢個遺址既有太原天龍山石窟唐代造像風格，亦都有受洛陽龍門石窟造像風格影響，係研究盛唐向中後期過渡演變嘅重要線索！
原圖嚟自網絡