嘩嘩嘩，魚同恐龍大家可能都見唔少，但如果係史前魚龍唔知大家又有冇幻想過係點樣呢？近排就有一個國際古生物學家團隊公布咗一則新發現，阿史就帶大家睇一睇啦！

近排呢個古生物學團隊就喺美國內華達州嘅奧古斯塔山脈嘅一個距今2.4億年前嘅三疊紀中期地層入面，拎到一個新型嘅巨大魚龍化石。咁到底有幾大呢？原來單單係頭骨就已經有成兩米，而成個體型就足足達到17米，同現代嘅抹香鯨差唔多，但就已經係當時地球上最巨型嘅四肢動物。

呢舊化石係屬於「杯椎魚龍屬（Cymbospondylus）」，係三疊紀海域嘅大型海洋生物，特點係呢種生物背部並冇背鰭，但尾巴就帶有下鰭，同時亦都有延長嘅口鼻部。由於係新品種，所以團隊就以「揚格魯姆杯椎魚龍」（Cymbospondylus youngorum）命名。

原圖嚟自網絡