中國有住悠久嘅酒文化，之不過一直以嚟關於酒坊嘅考古發現就少之又少，到底成個酒坊設施配套係點樣呢？近排河北嘅一個考古發現就畀到唔少啟示畀大家。
據河北省文物考古研究院介紹，經過四個幾月嘅考古發掘，就喺衡水市桃城區完整發掘到一座明末清初大型酒坊遺址，而且呢個遺址更加被列為係2021年河北考古特別新發現。其實早喺今年3月，相關部門就已經喺拆遷區嘅一個工地搵到唔少釀酒用嘅地缸，初步就已經判斷呢個地方有可能係酒坊遺址。而當考古隊進一步進行事前考察之後，就發現成個區域係滏陽河兩岸15萬平方米嘅明清工商業區，酒坊遺址勘探面積仲達到3000平方米。
而喺地層發掘上，考古團隊就搵到現代、民國、清代、明代層，經過發掘之後仲搵到古代釀酒作坊及窖池、攤晾場、地下式蒸餾灶、潤料池等遺迹33處，完美呈現到早年嘅燒酒製作工序，亦都為為中國傳統老白乾酒釀造技藝提供重要嘅實物見證！
原圖嚟自網絡