尋日就同史友們介紹咗近排明末清初大型酒坊嘅考古遺址，呢個遺址嘅發現完美呈現咗古代成個製酒嘅流程。而好事真係陸續有嚟，近排喺天津就發現到一個大型唐代遺址，係同古代製鹽有關！

據天津市文化遺產保護中心介紹，喺位於天津市東麗區軍糧城遺址當中，就發現到一個大型唐代大型夯土台基以及唐代製鹽作坊區，當中仲出土咗唔少時代特徵明顯嘅唐代器物標本。早喺今年四月，考古團隊就已經展開考古發掘工作，至今就完成咗發掘面積8000平方米，喺呢個範圍之內就成功清理出井、窯、車轍等200幾個遺蹟，甚至仲發現元明清時期灶址、房基等等。而最重要嘅係，呢個遺址當中仲有埋滷水井、灰坑、鹽灶、灰溝等遺蹟，完整咁還原到取鹵、制鹵、煎鹵和晾曬等製鹽工序，重新構建到一個相對完整嘅唐代製鹽作坊區。

呢次亦都係天津考古第一次搵到古代製鹽遺存，而同樣喺呢個遺址亦都有唔少陶罐、陶盆、青釉碗（盞）、白釉碗（盞）、黑釉碗（盞）、三彩罐等，期待會有更多唔同嘅發現！

原圖嚟自網絡