喺唔少嘅傳統習俗、禮儀場合當中，都會有啲約定俗成嘅規矩，其中一項就係「男左女右」。咁到底點解會有一個咁樣嘅規矩，背後又有啲咩故事呢？阿史今次就同大家介紹啦！

「男左女右」呢個習俗，喺好早之前嘅文獻就已經有明確指出，而當中最為經典嘅莫過於就係唐人所繪《女媧伏羲圖》，當中伏羲在左持矩，女媧在右持規亦都係表現緊「男左女右」就係規矩。
喺古代嘅社會當中，《易·系辭上》「乾道為男，坤道為女」、《禮記》「左，陽也；右，陰也」都係反映緊男女所代表嘅地位以及陰陽之道。而喺「右」同埋「左」之間，其實仲可以睇得出當時社會嘅尊卑之道，因為唔同朝代左右之尊卑都唔係一樣，就好似秦漢基本尊右，隋唐尚左等等，真係好大嘅學問。

原圖嚟自網絡