首位華人市政局主席、前立法局議員張有興喺昨日早上逝世，享年99歲。
張有興1922年喺圭亞那出世，後生果陣就移居香港，並喺香港經營進出口貿易生意。早喺1954年就創立咗香港公民協會，並且喺1957年至1991年間，以連續34年嘅紀錄連任市政局民選議員，係本港史上連任時間最長嘅民選公職人員。佢嘅成就唔單止咁，張有興早於1973年獲委任為立法局議員，係當年首位以現任市政局議員獲得任命嘅人，而佢更加喺1981年至1986年間擔任首位華人市政局主席，真係犀利。
而喺佢任內，佢積極推動政府重建合標準校舍，促進落實9年免費教育，對香港嘅發展影響深遠。
原圖嚟自網絡