如果單純係睇到以下呢幅圖，各位史友可能都未必可以睇得到雕像本身係啲咩，但如果阿史同大家講，其實呢個係一款國王/皇后獵鷹雕像，唔知史友們又覺唔覺得神似呢？
近排考古學家就喺挪威嘅一個前皇家莊園發現到一尊精美嘅國王/皇后雕像，而喺呢個咁細嘅雕像上，仲有一隻獵鷹喺度。成個雕像長7.5cm，係由某種動物嘅骨頭又或者係鹿角製成，原本可能係佩劍嘅刀柄。而喺成尊雕刻當中，被雕刻嘅人物面帶笑容，而獵鷹就坐咗喺人嘅手上，眼部就被鑽咗兩個孔，羽毛仲刻有格仔圖案。
呢尊獵鷹雕像奇獨之處就係在於其實佢係斯堪地那維亞最早獵鷹視覺表現，而獵鷹當時就係獵人好拍檔，喺古代甚至仲象徵權威、財富，後來有啲民族仲將佢同帝王形象掛鉤，作為王權象徵，所以呢尊雕像嘅主人身份絕對係非富則貴！
原圖嚟自網絡