已故國家領導人毛澤東嘅兒媳、毛岸英妻子劉思齊，於2022年1月7日响北京逝世，享年92歲。

劉思齊响1930年出生於湖北，又名劉松林，係劉謙初烈士同張文秋嘅女兒。張文秋同毛澤東係革命戰友，早於1927年毛澤東已經向張文秋提出對親家。

毛澤東之子毛岸英就响1949年同劉思齊結婚，而响1950年朝鮮戰爭爆發後，毛岸英參加中國人民志願軍，响1950年11月不幸犧牲於朝鮮半島。劉思齊守寡12年，响毛澤東敦促下劉思齊再婚，呢段二婚佢就生咗2子2女，為懷念毛岸英，長子就起名為楊小英。劉思齊婚後被分配到軍科院工作，直至退休。

劉思齊同母異父嘅妹妹邵華﹐亦係毛澤東兒媳，丈夫係毛澤東次子毛岸青。