可能史友有睇新聞都知道，中亞國家土庫曼有意撲滅一場火，要撲滅一場火又點解會上國際新聞呢？因為呢場火燒咗成半個世紀。
呢個地方就係响土庫曼境內斯坦沙漠裡面嘅「地獄之門」，呢個地方係土庫曼國內著名景點，外觀就係一個四周都係火焰嘅大地坑，直徑有成70米，地深更有30米，十足地獄入口咁。不過，呢個奇奇景並非天然形成，而係人為造成。响1971年，當時嘅蘇聯專家嚟到呢個地方勘探石油，點知一挖先發現呢個位藏咗大量天然氣，挖掘過程亦造成地面坍塌。為咗防止帶毒性嘅天然氣外泄，於是就決定點火燒氣，諗住啲天然氣燒晒之後就可以開採石油。點知預估一星期燒完啲天然氣就長燒長有，一燒就燒咗成五十年。
土庫曼總統別爾德穆哈梅多夫最近就宣布，因為「地獄之門」損害環境同居民健康，加上長年大火不斷浪費天然資源，所以要求官員想辦法撲滅呢場燒咗五十年嘅火。