之前介紹過已故建築大師貝聿銘生前內地嘅作品北京香山飯店，今次阿史就要介紹一下佢响香港嘅代表作。
講到貝聿銘响香港嘅建築作品，唔少史友應該會諗起中環嘅中銀大廈，不過阿史今次其實係想介紹銅鑼灣嘅新寧大廈。呢幢大廈係貝聿銘响香港首座設計嘅大樓，建於1982年，係具有零售賣場同辦公室嘅綜合性商廈。其實呢幢大廈响設計上有好多突破，包括係香港第一個响建築物框架上安裝外牆嘅建築，仲有就係將鏡面玻璃用於外牆窗戶，成為香港玻璃帷幕嘅「始祖」。
但講到新寧大廈，就唔可以唔提1986年電影《英雄本色》响度取景，劇中由李子雄飾演嘅大哥成响新寧大廈門口撻銀紙侮辱由周潤發飾演嘅Mark哥，成為港產片中經典一幕。當然唔少得《精裝追女仔》嘅吳準少响同一個地方用銀紙掟趙公子。
不過，新寧大廈就响2013年已被拆卸，原址已興建為利園三期。
原圖：《英雄本色》劇照、《精裝追女仔》劇照