臨近農曆新年，即使受疫情影響，但香港市面仍然仲有節日氣氛。每年過年都會有有舞龍或舞獅表演，唔知今年响疫情之下史友們能唔能夠見到呢？
舞獅可以話係中國一項歷史悠久嘅習俗，咁係點樣嚟嘅呢？呢個可以話係以往中原同西域交流下嘅「成果」。响古代中國一直有有扮獸作戲演出嘅方式，後嚟西域古老流行嘅雜技節目馴獅舞蹈通過「絲綢之路」傳入中土，獅子就首次嚟到中原，睇真獅子表演就成為宮廷內嘅上等人節目。由於普通百姓未見過呢種獅子表演，於是民間就憑住傳聞同想像，製作成假嘅「獅子」，民間舞獅就係咁嚟喇！從晉代到隋代，舞獅活動慢慢普及。去到唐代，無論宮廷抑或民間社會，舞獅已成為節日喜慶不能缺少嘅活動。
原圖嚟自網絡