繼續同史友們介紹我國嘅一啲舉世珍品，鐘錶喺明清年間嘅文物當中都係一樣好特別嘅存在，由明朝萬曆年間嘅自鳴器打開中國官門，再到清朝多位皇帝都對鐘錶情有獨鍾，到底各種各樣珍奇鐘錶有啲咩魔力呢？阿史今次就同大家講一講啦！

近排故宮就同承德避暑山莊藏舉行咗一個聯展，當中就展出咗六十件奏響盛世鐘鳴嘅清宮鐘錶，當中有四十件係嚟自故宮博物院，而二十件就係承德避暑山莊博物館參展。喺中國近代嘅鐘錶收藏當中，由於紫禁城同埋避暑山莊作為清代政治、宮廷生活中心，所以歷史上都曾經收藏陳設過大量自鳴鐘錶，佢哋可以話係同根同源。

喺呢次展出嘅盛世珍品當中，由18世紀去到20世紀初嘅鐘錶都有，當中唔有嚟自英國、法國、瑞士等西方國家嘅名家之作就好似18世紀英國造銅鍍金羊馱樂箱鷓鴣鳥鐘、18世紀英國造銅鍍金犀牛馱樂箱表等等，亦都有清宮做鐘處、廣州、蘇州等地國產精品，真係花多眼亂啊！

原圖嚟自網絡