近排阿史就同史友們講到秦始皇陵遺址有新嘅考古發現還原到古代軍陣嘅排列，咁就有史友留言問到，點解秦始皇陵遺址挖掘咗咁多年，一直都唔大規模挖掘搵出秦始皇主墓呢？今次阿史就同史友們講一講啦！
要知道按照中國傳統喺西漢以前嘅墓室結構，喺以磚構築嘅墓室出現之前，其實就係以土坑墓為主，亦即係喺地下挖出一個深坑，喺當中放入棺木同埋陪葬品，繼而再用填土埋葬。簡單嚟講如果要挖掘出秦陵，咁成個兵馬俑嘅景象都會大受破壞。
而據專家嘅估計，秦陵地宮距離地面至少有35米，按照呢個距離喺挖掘過程當中極為容易引起塌方，而最重要嘅一點係，其實早年喺發掘出彩色兵馬俑嘅時候，因為氧化而令到原本嘅生漆底層喺一分鐘內出現龜裂、捲曲脫落嘅現象，再加上地宮喺正成個遺址深處，現今嘅考古同埋保護文物嘅技術根本唔足以保護成個遺址，所以秦始皇陵地宮就只能就地保護喇！
原圖嚟自網絡