如果史友們有睇到中央廣播電視總台春晚，應該都會留意到其中一個環節係有張國立以及一位三星堆考古研究所所長冉宏林現身講述人類文明「何以中國」嘅環節，而其中就有一個青銅大面具引起唔少網民熱議，甚至仲稱之為「全晚最佳時刻」。
冇錯喇，其實呢個造型奇特、造工精緻嘅青銅大面具又係出土自三星堆，係目前三星堆當中已知出土體量最大、保存狀況最完好嘅一個面具。咁到底呢個面具有幾大呢？按實際數據嚟講，佢闊就達到131cm、高71cm、深66cm並且重達131斤，真係誇張！
唔單止咁，呢個面具嘅眉部、眼睛、嘴唇全部都做到線條流暢、稜角分明，甚至喺兩側上下及額部正中都有方形穿孔，好難想像到佢係接近兩千年前嘅工藝品。
唔少網友睇完呢個節目，都表示今年目標就係要去一次三星堆現場睇一睇，仲有網友直言咁多中華元素嘅春晚，真係可以話係「最佳春晚」，唔知史友們又點睇呢？
原圖嚟自網絡