2022年嘅2月3日喺歷史上係一個好特別嘅日子，事關港九大隊就係喺八十年前嘅今日成立，呢支隊伍嘅出現亦都印證咗當時香港民眾嘅愛國傳統。
喺1941年12月8日，喺日軍進攻香港並且喺英國展開18日嘅戰爭宣告投降之後，抵抗日軍侵略嘅重任就落到中國共產黨所領導嘅抗日游擊隊港九大隊身上。要知道香港呢個地方係作為日軍係太平洋轉運樞紐以及海軍中繼站而存在，所以係有住一個相當重要嘅戰略地位。
而喺呢段咁重要嘅時間，港九大隊就展開咗多場游擊戰，大大小小五十幾次嘅戰鬥就有效咁干擾咗日軍嘅戰略部處，亦都救咗好多無辜嘅民眾，就好似有拯救文化人行動、1942年拯救深水埗集中營英軍戰俘賴濂士中校、1944年營救美軍飛行員克爾中尉等等；同時港九大隊亦都發動過多次奇襲例如就有爆破九龍窩打老道四號火車橋、偷襲啟德機場甚至仲奇襲大澳偽警察局，戰績相當彪炳。
而最重要嘅一點係，港九大隊係香港淪陷期間唯一一支由始至終堅持抗戰嘅武裝力量，絕對值得大家尊敬！
原圖嚟自網絡