尋日就同史友們講到人民志願軍點解要三炸水門橋以及呢場戰役點樣比長津橋之役慘烈。隨住電影嘅上映，愈來愈多網民都關注當時嘅歷史背景係點，今次阿史就想同大家介紹一位當年嘅英雄，佢就係首炸水門橋嘅郭榮熙。
出生喺1924年嘅郭榮熙曾經參加過抗日戰爭、解放戰爭以及抗美援朝戰爭，喺戰役當中佢多次英勇表示，亦都多次受傷。電影《水門橋》正正就係以呢位英雄為原型，咁到底佢嘅故事又係點呢？
喺1950年11月，抗美援朝戰役第二次戰役打響，志願軍同美軍苦戰數日之後，美軍落得個下風打算向南逃走，而水門橋正正就係佢哋必經並且唯一嘅逃走通路，只要水門橋一炸，過千架裝有美軍裝備嘅車輛就會無法逃走。為咗達成呢個重要嘅目的，當庴係人民志願軍20軍60師作戰科嘅郭榮熙就接咗呢個艱難嘅任務。喺解放戰爭當中多次帶領爆破班立下戰功嘅佢，喺夜色之下就帶領一個排嘅戰士喺負40度之下捆扎好三大包三十斤嘅炸藥。之不過當時佢拉響咗發火管，雖然成功首炸水門橋，但不幸令到自己被波及，左小腿腓骨折斷，腳亦都被扭轉了180度，無辦法之下只可以回國治療。而呢位老人家，至今仍然健在，並且已經98歲喇！
原圖嚟自網絡