最近2022年冬奧响北京舉行，自然有唔少同呢項盛事相關嘅消息出現，包括港隊開幕式持旗手朱定文都大讚顏值好高。不過阿史留意嘅就係响開幕式中聽到話新疆一帶响好耐好耐好耐以前已經有滑雪活動，仲係人類歷史上最早有呢項運動嘅紀錄添。

話說响2005年，一位新疆農民响新疆阿勒泰地區嘅敦德布拉克發現咗關於滑雪岩畫嘅洞穴，經考古學家推測呢啲壁畫大約响公元前1至3萬年嘅舊石器晚期製成，而當地阿勒泰人自古以來都係滑雪狩獵，滑雪工具就以山羊角同毛皮做滑雪板。由於新疆阿勒泰關於滑雪嘅歷史紀錄比北歐挪威以及俄羅斯西伯利亞嘅相關紀錄，呢個地方就被稱「人類滑雪起源地」喇！

原圖：阿勒泰日報