繼續同史友們介紹下世界各地嘅一啲新奇考古發現，埃及作為世界文明古國之一，以往除咗有唔少木乃伊出土之外，亦都發現過唔少陶片，但要喺陶片之上再有發現，唔知史友們又有冇諗過呢？
近排就有考古團隊喺埃及中部嘅城市阿特里比斯（Athribis）進行考古工作，期間就清理出1.8萬件帶有文字嘅陶器碎片，呢個數字絕對係20世初以嚟出土最多古埃及記載事物嘅考古文物發現。可能有史友會問，點解好地地寫字唔寫喺紙上，而要寫喺陶片上呢？
其實按當時嘅情況，寫字喺陶片上嘅成本係遠低於寫喺紙莎草紙之上，而當時書吏、商人同埋學生普遍嚟講都係用呢種紙寫字，所以呢次發現就有購買食物、日常用品嘅清單；學校教材、學生塗鴉，甚至連學生因為違規而罰抄嘅內容都有，真係有意思！
原圖嚟自網絡