之前阿史就同史友們介紹過秦始皇陵因為現代嘅考古同埋保存文物嘅技術不足而唔會進行主動發掘，之不過無論係考古學家定係一般民眾都相當關注一件事，就係到底秦始皇陵當中嘅情況係咪同史書記載一樣呢？今次阿史就同大家講一講啦！
要知道經歷過「定陵事件」之後，我國就已經唔會主動發掘帝皇陵墓，但與此同時又要嘗試瞭解陵墓內部嘅情況，咁又有咩方法呢？以往唔少考古團隊都係用「洛陽鏟」嘅方法瞭解地產，但呢種方法一嚟效率低，二嚟好有可能會破壞到文物，而且可以測到嘅深度亦都有限，所以係唔足以探究到秦始皇陵地宮嘅。
而為咗可以瞭解到內部嘅情況早喺2002年，國家科技部專家組就已經嘗試研究「考古遙感與地球物理綜合探測技術」，並且研究出一種叫做「核磁共振法」嘅技術，可以對陵墓進行無損探查。經過測量之後，考古團隊就發現，陵墓四周存在著寬約15米，高約30余米。東西長約145米，南北寬約125米嘅夯土牆；而且內部仲有一個複雜嘅排水系統可以阻止水流入墳墓深處，而呢個系統過咗二千年仍然都係運行緊，秦始皇陵亦都冇受到地下水侵蝕，真係犀利到嚇死人！
原圖嚟自網絡