以往都同史友們介紹唔少抗美援朝期間嘅英雄人物，之不過佢哋都有個共通點，就佢都係男性，咁到底戰場上又會唔會存在女兵呢？咁就當然有啦，今次阿史要介紹嘅就係上甘嶺坑道唯一女兵劉祿曾。

劉祿曾出生喺1928年，佢嘅身世一啲都唔簡單，佢嘅曾祖父係晚清文臣劉秉章，曾經棄文從武參加戰爭。後來大清覆亡之後，佢雖然家道中落，但劉祿曾仍然得到唔錯嘅教育，入讀咗當時我國第一所西式大學東吳大學，學習外語專業，並且希望畢業之後可以從軍。

之不過因為佢身世嘅問題，劉祿曾最初係唔能夠從軍，但隨住抗美援朝戰爭嘅展開，我國志願軍愈戰愈勇俘虜唔少外國聯軍。呢個時候就需要有精通外語嘅人前往戰場幫手，當時劉祿曾二話不說就去到戰場。佢雖然唔需要上前線作戰，但佢就需要翻譯情報、審訊俘虜，其中一位就係詹姆士。

時間去到1952年，上甘嶺戰役打響之後，劉祿曾就真正要走到戰場，成為當時戰地廣播員，喺漫天炮火之下隨部隊行軍。佢係上甘嶺坑道唯一女兵，佢優美嘅聲線甚至被敵軍稱佢為「東方戰地夜鶯」。

而剛才阿史提到嘅戰俘詹姆士，就係喺劉祿曾赴美進行學術訪問期間，喺當地一間餐館當中一眼認出劉祿曾，並且記得當年作為審訊官嘅劉祿曾點樣善待佢，點樣喺聖誕節嘅時候為戰俘送上禮物，真係有趣。

原圖嚟自網絡